اہم یورپی ملک نے فلسطین کو ریاست تسلیم کرنے کا عندیہ دیدیا

Share this


یورپی ملک بیلجیئم نے فلسطین کو ریاست تسلیم کرنے کا عندیہ دیا ہے۔

برسلز میں بیلجیئم کی وزیر خارجہ حدجہ لحبیب نے نیٹو کے اجلاس سے اپنے خطاب کے دوران کہا کہ بیلجیئم وقت آنے پر فلسطینی ریاست کو تسلیم کرے گا۔

بیلجیئن وزیر خارجہ نے مزید کہا کہ اقوام متحدہ کی سلامتی کونسل میں غزہ پر قرارداد کا کوئی نتیجہ نظر نہیں آ رہا۔

دوسری جانب غزہ میں اسرائیلی بربریت جاری ہے، گزشتہ سال 2023ء کے ماہِ اکتوبر سے اب تک اسرائیلی حملوں میں شہید فلسطینیوں کی تعداد 32 ہزار 975 ہو گئی ہے۔

غزہ کی وزارتِ صحت نے بتایا ہے کہ غزہ میں اسرائیلی حملوں میں اب تک 75 ہزار 577 فلسطینی زخمی ہو چکے ہیں۔

غزہ کی وزارتِ صحت کے مطابق گزشتہ 24 گھنٹوں میں اسرائیلی حملوں میں 59 فلسطینی شہید اور 83 زخمی ہوئے ہیں۔


install suchtv android app on google app store



Source link